10日改善肩颈僵硬问题
2020-06-04
【牛油果健康食谱】牛油果呢种食材，除咗有美容、减肥、降低患心血管疾病风险等效果外，对所有返office嘅打工仔嚟讲，更是应多食嘅食材！点解咁讲？因为牛油果原来仲有纾缓肩颈僵硬嘅功效！点食先最有效？睇睇医生点讲！
日本近6成人受肩颈僵硬困扰
肩颈僵硬唔止係中年、老年人士常见嘅毛病，成日长时间保持同一个动作打电脑嘅，一众办公室打工仔都容易患上！肩膊一带嘅肌肉称为「僧帽筋」，係支撑头部、颈嘅肌肉。
因为要支撑个头，两边「僧帽筋」合共要负重10kg！係日常用得「最狠」嘅身体肌肉。而肩颈僵硬嘅原因，係疲劳积聚，令「僧帽筋」嘅血流滞住，血液循环唔好，就会令肌肉僵硬。
节目分别邀请咗3组不同年龄层嘅男女做实验，用专门测量肌肉硬度嘅仪器，量度测试对象喺食用牛油果嘅前后，肌肉硬度数值变化。10～29为「安心区」、30～39为「提高警觉区」、40或以上就係「硬到爆区」。
上层显示嘅数值为食用牛油果前嘅数值，近乎所有数值都处于「硬到爆区」！但只係食用咗牛油果10日，全员嘅肩颈肌肉硬度就回落到「提高警觉区」，甚至回落到「安心区」！
喺未食牛油果前，数值最高嘅福田小姐嘅右肩已经硬到举唔高手！
但只係跟食谱食咗10日，就能轻鬆举起右手！连节目嘅现场嘉宾都惊喜不已！
牛油果含有丰富维他命B1、B2、维他命E，有令肌肉疲劳回复嘅效果。
另外，牛油果中亦含有油酸，对于预防动脉硬化、生活习惯嘅病痛非常有效。
10日见效咪要食好多？医生就话，其实一日食半个已经好足够！呢个分量好easy啫！
日本管理营养师・渥美真由美指出，烧紫菜中含有丰富维他命B1、B2，有令肌肉疲劳回复嘅效果，配合牛油果一齐食，能够发挥到更好功效！
所需材料：大牛油果1个（去皮、去核，净重200g）、支装日式芥末（半茶匙）、醋（1茶匙）、豉油（2茶匙）、榄橄油（1汤匙）、烧紫菜（半片）。
做法：先将牛油果切粒备用，再将所有调味料放到碗中拌匀，然后将牛油果粒倒入调味汁，最后将紫菜撕碎放埋入碗，一次过将整体拌匀就完成了！
猪肉同样拥有疲劳回复效果，而且喺咁多肉类当中，猪肉係含有最多维他命B1、B2。
所需材料：牛油果（1个）、猪肉片（10片）、盐+胡椒粉（各少许）、橄榄油（1汤匙）、豉油（1汤匙）、味醂（2汤匙）、柠檬油（1茶匙）。
做法：牛油果去皮、去核后，纵向切至5等片，然后用猪肉捲住牛油果片，用盐＆胡椒粉调味。将橄榄油加到镬中，调至中火烹煮牛油果猪肉卷。两边都煎至转色后，就加入豉油、味醂、柠檬汁打芡，煮稠芡汁就完成。
上一篇：10日天母陈瑞振 + 林智盛 11日台南统一群星 签书会不容
下一篇：10月 生日优惠 ！16个香港限定优惠生日大晒
热门推荐
