主页 > W半生活 >Classic回合制之极品《XCOM 2》外星人战争继续打 >

Classic回合制之极品《XCOM 2》外星人战争继续打


2020-06-06


Classic回合制之极品《XCOM 2》外星人战争继续打

呢个2月,对我呢个外星人迷来讲真係一个好重要,其一就係《X-Files》第十季热播,其二就係呢只《XCOM 2》出街喇!唔知只Game玩咩?未听过?我唔会话你背,但当你知道原来走咗宝就唔好话我唔提提你喇!

《XCOM》廿二年历史

我觉得有必要讲只Game前,要先同大家上下历史堂,先讲讲《XCOM》呢个系列嘅历史先。话说《XCOM》第一作可以追溯返去1994年嘅《UFO:Enemy Unknown》,喺北美市场就叫做《XCOM:Enemy Unknown》。只Game先出DOS及Amiga版,及后追加Windows及PlayStation版。当时只Game个玩法都係回合制嘅策略游戏,故事就讲地球受外星人侵略,好多政府军队都唔够打扯晒白旗,但就唔知点解一个地下军事反抗组织XCOM仲可以运作。玩家嘅角色就係XCOM嘅指挥官,一面于唔同战斗任务指挥小队作战,另一面又要利用手上有限嘅资源去维持同扩张XCOM基地。

当时只Game一出真係大受欢迎,跟住续作当然不断咁出,由1995年至2001年一共出咗5只续作,奇怪就係全部都係以《XCOM》再加个副题就算,除第二作有出DOS、Windows、3DO及PlayStation版外,其余都只有Windows版本。2001年后呢个系列就俾人打咗入冷宫,直到2012年推出Reboot作《XCOM:Enemy Unknown》。呢只只係将原作整靓咗,画面正、声效靓,再加返时下必备嘅CG过场,得到唔少年度大奖,之后仲出埋Expansion《XCOM:Enemy Within》。不过2013年有一只Spinoff作品《The Bureau:XCOM Declassified》,但我就觉得呢只TPS极唔好玩,画面唔太掂,好多XCOM迷直头无视佢嘅存在。跟住数就到今个月出呢只《XCOM 2》喇!

Classic回合制之极品《XCOM 2》外星人战争继续打
◆ 睇下个雕像,外星人拉起人类以示好,其实并唔係咁嘅一回事啰。Classic回合制之极品《XCOM 2》外星人战争继续打
◆ 《XCOM 2》个目的好简单,就係解放全世界!

真正故事续作

《XCOM 2》係Reboot之后《XCOM》系列第二作,同前作一样都係玩返王道回合制策略形式进行游戏。故事承接住《XCOM:Enemy Unknown》,不过就算你冇玩过前作而直入呢只都冇咩问题,因为只Game本身开头会有少少交代。今集讲前作XCOM虽然打赢咗外星人,不过最后世界一众强国都係决定向外星人讲和,并决定同外星人合作:外星人提供高级科技俾地球人,地球人就将地球嘅管理权同外星人分享。经过20年,全世界好似好和平,不过其实外星人暗地里做咗好多阴湿嘢,顺理成章地地球亦都有一班人好唔顺气要走出嚟反抗外星人嘅管治,冇错,呢班人就係XCOM喇!玩家今次继续以XCOM指挥官嘅身份,同外星人再打仗。好喇剧透到此为止,继后留返俾你自己慢慢发掘。

Classic回合制之极品《XCOM 2》外星人战争继续打
◆ 作战时,地图就係以呢个角度进行,个地图唔只係平面,仲有高低,作战时高度差对战果有绝对影响。Classic回合制之极品《XCOM 2》外星人战争继续打
◆ 每个回合每个队员都可以指受你嘅Order,攻击前可以睇到打中敌方嘅命中率。Classic回合制之极品《XCOM 2》外星人战争继续打
◆ 当你选择要向对方攻击时,你会见到有专属动画播放,唔怕闷亲。Classic回合制之极品《XCOM 2》外星人战争继续打
◆ Man Down!记得执返队友条尸走呀!Classic回合制之极品《XCOM 2》外星人战争继续打
◆ 《XCOM 2》入面,所有士兵其实分成呢4大兵种,各有唔同特别能力,于装备上亦有唔同。Classic回合制之极品《XCOM 2》外星人战争继续打
◆ 玩到后期,你睇下几咁型子!

玩法相同变化更大

玩法上,《XCOM 2》同《XCOM:Enemy Unknown》基本上係100%一样,只係画面再靓啲,尤其物理渲染係做得比前作要劲得多。今集开发室强调地图上所有嘢都係可以破坏,而且亦因为咁令到战斗嘅变化更多。此话何解?就好似原本你有个队员匿喺墙后等反击机会,点知对手用炸弹将幅墙炸烂,咁呢位队员就即时冇遮冇掩冇删剪,被埋单已成定局。只Game别一特点就係所有队员係可以透过战斗去升级,之后就可以俾劲武器佢哋用,但当佢哋嚮战场入面被杀,身上嘅装甲及强化品都会被遗留嚮战场,如果你唔指挥队员去执尸,呢啲装备就会过版后永久消失。

Classic回合制之极品《XCOM 2》外星人战争继续打
◆ 每个队员只要累积够XP就可以获得晋升,顺手会开到新能力,你可以选择新能力嘅取向。Classic回合制之极品《XCOM 2》外星人战争继续打
◆ 我每个队员都有再玩Customization,单单呢部份就玩咗成日!Classic回合制之极品《XCOM 2》外星人战争继续打
◆ 唔只人样,连枪都可以整色整水。Classic回合制之极品《XCOM 2》外星人战争继续打
◆ 同样地都可以加装唔同Perk去强化枪械。

原生中文

《XCOM 2》另一个强化元素就係地图嘅多变性,你唔好以为每一个任务嘅地图都係一样,相反你每一次玩返同一个Mission,个地图都会唔一样,所以冇位俾大家死记,真係要考你指挥及临场应变嘅能力。此外,每个队员都可以进行深度Customization,你可以改佢哋个面形、眼珠色、头髮样式及颜色、装甲颜色、枪械用色及Pattern配置、姓名、国籍、连佢哋讲嘢时用咩语言及口音都有得Set,虽然呢啲嘢睇落好似好无谓,但我就觉得开发团队好有Heart啰!

讲开多国语言,《XCOM 2》亦係咁耐以嚟首次有原生中文支援,不过係介面同字幕係中文,语言都仲係英文。要留意,若想玩中文,装Game前就要选择中文,因为装Game后改唔到,要去Steam度先改到。最大镬係改完后中文版读唔返用其他语言玩嘅Save,呢点记得留意。

时下好多Game都有网上元素,《XCOM 2》亦顺呢个潮流追加入网上多人模式,不过佢唔係玩合作打A.I.,而係两个玩家对战,我自己就唔锺意玩PvP,所以我就冇试喇,有人试完可以话返俾我知得唔得,OK?

总结

如果你问只Game值唔值得玩,我会问返你究竟点样嘅Game先值得你去玩?其实而家市场上想搵只似样嘅回合制策略游戏已经唔多,多人识嘅咪《Civilization》同《机战》啰,如果你本身係对回合制游戏唔抗拒,咁《XCOM 2》至少都值得一试,再加上佢个故仔真係正,我够胆写包单,你会因为《XCOM 2》而翻转头玩返《XCOM:Enemy Unknown》!而且本作对PC嘅系统要求唔高,我用紧呢部4年前砌嘅PC都可以行到「High」嘅图像设定,唔错啦!

《XCOM 2》

游戏开发:Firaxis Games

游戏发行:2K Games

游戏类型:回合制战略

游戏平台:PC

游戏人数:1-2人

游戏售价:$428

推出日期:已推出

官方网站



上一篇:
下一篇:

热门推荐


一汽轻型汽车青岛汽车研究所正式成立
一汽轻型汽车青岛汽车研究所正式成立
中国一汽集团日前正式宣布旗下的「一汽轻型汽车有限公司--中国
一汽通用哈尔滨轻型商用车新整车厂正式投产!
一汽通用哈尔滨轻型商用车新整车厂正式投产!
根据最新消息指出,位于东北哈尔滨市的一汽通用哈轻新整车厂,日
一汽通用商用车厂最快本月签约合资!
一汽通用商用车厂最快本月签约合资!
我们曾经报导过,美国GM集团计画透过通用中国与一汽集团旗下的
一汽通用成立后将新建整车厂!
一汽通用成立后将新建整车厂!
日前,中国一汽集团正式与GM集团宣布成立全新合资汽车厂「一汽
一汽通用成立,GMC越野车系可望国产!
一汽通用成立,GMC越野车系可望国产!
不久前,中国第一汽车集团正式与美国GM集团签约成立「一汽通用
一汽通用计画五年内年产32万辆轻型商用车!
一汽通用计画五年内年产32万辆轻型商用车!
在不久前成立的全新一汽通用轻型商用车公司,日前宣布将在今后五